monumenta.ch > Hieronymus Incertus > sectio 6

Word Selection for Searching

Report an Error in this Sectio
Hieronymus Incertus, Epistolae, p27, p2, 6
Si autem Dominum tentare ausus est versipellis et nequam: quanto magis nos decipere non timebit! Si contra Dei Filium et figulum suum, vas perditum repugnavit: quanto magis contra nos qui inferioris ab eo naturae sumus audebit insurgere! Si iustus vix salvabitur, impii et peccatores ubi permanebunt (I Petr. IV, 18)? Non quo Dominus noster decipi potuerit a diabolo, sed quo formam servi acceperit, in omnibus se tribuere volens exemplum, ut nemo sibi in sanctitate confidat, cum etiam ille tentatur, quem non possunt tentamenta superare.